Нэмэгдсэн өртгийн албан татварын хуулийг шинэчлэн баталсны дагуу 2016 оны эхний өдрөөс НӨАТ-ын хоёр хүртэл хувийг иргэд буцаан авах боломжтой болж буй юм. Иргэн та хуулийн дагуу төлбөрийн баримтаа цуглуулан “еbarimt.mn” сайтад холбогдон бүртгүүлж, жилд нэг удаа НӨАТ-ынхаа 20 хүртэл хувийг буцаан аваад зогсохгүй, сар бүр урамшуулалт сугалаанд оролцохоор болоод байгаа билээ.
 Ebarimt.mn сайт ажиллаж эхлээд зургаа хонож байгаа ч иргэд худалдан авалтынхаа 450 мянга 900 гаруй баримтыг бүртгүүлснээр сугалааны хонжворын сан 135 сая 900 мянган төгрөгт хүрчээ.

 Хамгийн гол нь энэ бол Монгол улсын иргэн бүрт хамааралтай систем учраас орон нутагт байгаа, тогтмол интернэт орчин ашиглах боломжгүй хүмүүс татварын байцаагчдаа хандан  сугалааныхаа кодыг бүртгүүлж, сар бүрийнхээ сугалаанд оролцох эрхтэй болох гэнэ. ebarimt.mn сайтын хувьд өдөрт 80-100 мянган иргэн хандах боломжтой, ачаалал даах өндөр чадвартай юм байна.