“Ардчилал” сонины сэтгүүлч, сагсан бөмбөгийн үндэсний дээд лигийн тамирчин, спортын мастер Б.Батхишигт яарал­­тай бөөр шилжүүлэн суулгах шаард­лага­­тай болж хамт олон, гэр бүл, найз нө­хөд нь “Бид нэг гэр бүл” хандивын аян өрнүүлж эхэлсэн. Аяны хүрээнд Монголын үндэсний сагсан бөмбөгийн холбоо, Мон­голын хөлбөмбөгийн холбоо, Дор­ноговь айм­гийн сагсан бөмбөгийн холбоо, мэргэж­лийн сүмогийн 68 дахь их аварга Асашёрюү Д.Дагвадорж тэргүүтэй хувь хүн, албан байгууллагууд халуун сэтгэлээр ту­салж хандив өргөсөн билээ. Бидний найз Б.Батхишиг Дорноговь нут­гийн унаган хүү бөгөөд түүний эм­чилгээний зардалд нутгийн зон олон нь ч хандив өргөж буйн жишээ болж өчигдөр Дорноговь аймгийн Татварын хэлтсийн хамт олон 400 мянган төгрөг хандивлажээ.
“Бид нэг гэр бүл” хандивын аянд нэгдэж халуун сэтгэлээр тус хүргэхийг хүссэн хэн бүхэн “Голомт” банк 1909318090 Батцэнгэлийн Батхишиг, “Хаан” банк 5360254652 Батцэнгэлийн Батхишиг дансанд хандив өргөх боломжтой. Сайн үйлс бүхэн дэлгэрэх болтугай.