Казахстаны иргэний жолоодож явсан Монгол Улсын дугаартай автомашиныг буриадад саатууллаа, монгол жолооч жолоогоо хууль бусаар шилжүүлсэн байна гэж ОХУ-ын Буриад улсын Гаалийн байгууллагын хэвлэлийн албанаас  мэдээллээ. 2015 оны арванхоёрдугаар сарын сүүлчээр ийм хоёр ч машиныг гаалийнхан саатуулсан байна.
Энэ машинаар Монгол Улсын иргэн арванхоёрдугаар сарын 27-нд хувийн хэргээр унаж орж ирэхдээ 2016 оны арванхоёрдугаар сарын 27 хүртэл зөвшөөрөл авчээ. Гэтэл арванхоёрдугаар сарын 28 буюу ердөө маргааш нь Казахстан Улсын иргэн уг машиныг Чита-Эрхүүгийн замд унаж яваад албаныханд саатуулагдсан байна.
Мөрдөн шалгах явцад уг машины эзэн монгол иргэн нь Хиагтын боомтоор орж ирээд машинаа казахстаны иргэнд эзэмшүүлэхээр дамжуулсан болох нь батлагджээ.