Сүхбаатарын нэрэмжит хэвлэх үйлдвэрээс нийслэлийн төв дэх “балгас” хэмээн нэрлэгдэх хүртлээ 80 гаруй жилийн түүхтэй хуучин хэвлэх үйлдвэрийн байрыг өнгөрсөн онд нийслэл нээлттэй дуудлага худалдаагаар борлуулсан. 

Тус үйлдвэрийг Монголын иргэншилтэй Абдул Карим гэгч 24 тэрбумаар худалдаж авахаар болсон ч өөрийн хүсэлтээр татгалзаж, түүний дараагийн үнийг санал болгосон “Таван богд трейд” компанид эрх нь шилжсэн билээ. Тэгвэл “Таван богд трейд” ХХК нь барилгын үнэ болсон 23 тэрбум 850 сая төгрөгөө бүрэн төлсөн учраас нийслэлийн Өмч хувьчлалын комиссын хурлаар Төрийн болон орон нутгийн өмчийн тухай хуулийн 43 дугаар зүйлийн тав дахь заалт, худалдах худалдан авах гэрээний үүргээ биелүүлсэн гэж үзэн Улаанбаатар сонины хэвлэх үйлдвэрийн барилгыг газрынх нь хамт өмчлөх эрх олгожээ.