199О оны ардчилсан хувьсгалын ачаар  монголчууд гадаад чөлөөтэй зорчих болсон, 1992 оны Үндсэн хуулиар амьдран суух газраа өөрсдөө чөлөөтэй сонгодог болсноор олон монгол хүн гадаад оронд ажиллаж амьдарч байгаа.  Харамсалтай нь төр засаг, эрх баригчид чухам хэдэн монгол хүн хаана амьдарч байгааг өнөө хүрэл хэн ч мэдэхгүй янз бүрийн тоо хэлсээр ирсэн.
Монголчууд өнөөдөр гадаад оронд суугаа ЭСЯ-аа ч тоодоггүй, ЭСЯ-ууд нь иргэдийнхээ талаар ямар ч мэдээлэлгүй, зөвхөн виз гаргах, хааяа нэг уулзалт, соёлын арга хэмжээ явуулахаас хэтрэхгүй байсаар иргэд өөрсдөө хүсвэл, хэрэг төвөгт орвол л Монгол гэдэг улс, Элчин сайдын яам байгааг мэдэж ханддаг болсон.
Үүн дээр  хүүхэд, төрөл төрөгсдөө  гадаад оронд яваад ор сураггүй алга болсон гэсэн мэдээлэл, эрэл сурал иргэдээс их гарах болж Гадаад хэргийн яаманд хандах болсноос үүдээд эрх баригчид гэнэт сэхээ авч гадаад оронд ажиллаж амьдарч байгаа иргэдээ тоолж бүртгэлтэй болгон мэдээллийн нэгдсэн сан бий болгохоор шийдвэрлэсэн байна.
Харин энэ иргэдээ яаж олж бүртгэх, толж бүртгэлжүүлэх нь тодорхойгүй байна.