Нийслэлийн Засаг дарга бөгөөд Улаанбаатар хотын захирагчийн 2013-2016 оны үйл ажиллагааны хөтөлбөрийг хэрэгжүүлэх зорилгоор “Өдөр тутмын биеийн тамир-Өнөөгийн нийслэлчүүдийн өнгө төрх” сэдэвт өвлийн биеийн тамир, чийрэгжүүлэлтийн үйл ажиллагааны хүрээнд иргэдийн амралт чөлөөт цагийг эрүүл агаарт өнгөрүүлэх боломж олгох зорилгоор “Цасны баяр”-ыг тэмдэглэсээр ирсэн.

Энэ жилийн цасны баяр “Эрүүл агаар-Рио-2016” нэртэйгээр энэ сарын 30-нд буюу маргааш  Хандгайтад байрлах “Янзага” зусланд болно. Цасны баярт иргэд, Нийслэлийн ИТХ, Нийслэлийн ЗДТГ, Улаанбаатар хотын захирагчийн ажлын алба, түүний харьяа газар, хэрэгжүүлэгч агентлагууд, дүүргүүдийн Засаг даргын Тамгын газар, харьяа байгууллагууд, Нийслэл, дүүргүүдийн Биеийн тамир, спортын газар, хороодын ажилтан, албан хаагчид оролцох ажээ.

Баярын хүрээнд нийслэлийн бүтээн байгуулалт, “Рио-2016” олимп зэрэг сэдэвт цасан хотхон байгуулах уралдаан зарлах юм байна. Эл арга хэмжээнд нийслэлийн удирдлагууд оролцож, ажил үйлсээрээ тэргүүлсэн биеийн тамир, спортын байгууллагуудыг шагнал урамшуулах юм байна.