С.ҮЖИН

     Монгол улсын нийгэм, эдийн засгийн голлох үзүүлэлтүүдийг улсын бүртгэл, статистикийн ерөнхий газраас өнөөдөр тайлагналаа.

    Нийгмийн даатгалын сангийн орлого 109,4 тэрбум төгрөг бол зарлага нь 140,4 тэрбум төгрөг болж, өмнөх оныхоос 48,7 тэрбум төгрөг буюу 80,1 хувь, зарлага 33,2 тэрбум төг буюу 30,9 хувиар өсчээ.

    Харин халамжийн сангаас энэ оны нэгдүгээр сард 148.0 мян.хүнд 10,4 тэрбум төгрөгийн тэтгэвэр, тэтгэмж олгожээ. Энэ нь өмнөх оныхтой харьцуулахад нийгмийн халамжийн тэтгэвэр тэтгэмж авагчид 31.4 мян хүн буюу 26.9 хувиар өсч, олгосон тэтгэврийн хэмжээ 2.4 тэрбум төгрөг буюу 30.2 хувиар өссөн байна. Мөн “Хүний хөгжил ” сангаас 18 хүртэлх насны 949.8 мянган хүүхдэд 19.2 тэрбум төгрөгийг олгожээ.

    Харин Нэгдсэн бодлого, хамтын ажиллагааны газрын дарга Б.Бадамцэцэг ” улсын хэмжээнд 2550 гэмт хэрэг бүртгэгдсэн бөгөөд өмнөх оныхоос 410 хэргээр буюу 13,9 хувиар буурсан үзүүлэлт гарсан. Энэ нь нийт гэмт хэргийн тоо  буурахад өмчлөх хэргийн эсрэг (196) хүний амь, бие эрүүл мэндийн эсрэг (75), тээврийн хэрэгсэлийн хөдөлгөөний аюулгүй байдал, ашиглалтын журмын эсрэг (60) зэргээр гэмт хэрэг буурсан нь голлон нөлөөлсөн юм. Бүртгэгдсэн гэмт хэргийн улмаас 144 хүн нас барсан бол өмнөх оныхоос гэмтсэн хүн 111 буюу 11.2 хувь, нас барсан хүн 55 буюу 32.5  хувиар буурсан” хэмээн тайландаа дурьдлаа.