Монгол Улсад залуучуудын хөдөлгөөн үүсч хөгжсөний 95 жилийн ой, спорт аялал үүсч хөгжсөний 55 жилийн ойг угтан М.Дархижавын санаачлагаар “ХҮҮГИЙН НҮҮДЭЛ-2016” адал явдалт тойрон аяллыг эх орныхоо хилийн хязгаар нутгаар зохион байгуулахаар болжээ.

Аялал эх орныхоо төв цэгээс гараагаа эхлэн хамгийн өндөр цэг, нам цэг, хилийн дөрвөн өнцөгт хүрэх ба түүхэн дурсгалт газруудаар нийт 10.000 гаруй км замыг авто машин, унадаг дугуй, тэмээ, мотоцикл, уул, явган, үхэр тэрэг, морь, завь, галт тэрэг гэсэн 10 төрлөөр өртөөлөн аялах аж.

Тус аялал 2016 оны 03-р сарын 20-с эхлэн 5 сарын хугацаанд үргэлжлэх ба Өвөрхангай, Төв, Хэнтий, Дорнод, Сүхбаатар, Дорноговь, Өмнөговь, Баянхонгор, Говь- алтай, Ховд, Баян өлгий, Увс, Завхан, Хөвсгөл, Булган, Сэлэнгэ, Дархан уул зэрэг 17 аймгийн нутгаар дайрах юм байна.

Залуу хойч үедээ эх орноороо бахархах сэдлийг төрүүлэх, хайрлан хамгаалах, нийтлэл тэмдэглэл, фото цомог, хилийн бүсийн түүхэн дурсгалт газрууд болон спорт аялал жуулчлал хөгжих боломж нөөцийг судлах үндсэн зорилготой тус аяллыг МЗХ дэмжин аяжиллахаар болсон байна.

Тус аяллын багийнхантай хамтран ажиллахыг хүсвэл МЗХ болон 98888803 гэсэн утсаар холбогдох боломжтой аж.