Энэ оны дөрөвдүгээр сарын 09, 10-ны өдрүүдэд “КРОСС ТРЭЙДИНГ ПАРТНЕРС” ХХК санаачлан “АВТО ХУДАЛДААНЫ ЦОГЦОЛБОР” хамтран монголын хамгийн том “АВТО ЭКСПО-2016” үзэсгэлэн худалдааг зохион байгуулах гэж байна.

Энэхүү үзэсгэлэн худалдааны зорилго нь автомашины дуудлага худалдаагаар дамжуулан хэрэглэгчдэд автомашин зээлээр, урамшуулалттайгаар, харьцангуй хямд үнээр худалдан авах боломж олгох, автомашин болон түүнийг дагалдах сэлбэг, бусад бүтээгдэхүүн, үйлчилгээ худалдаалдаг иргэд, аж ахуй нэгжүүдэд бараа бүтээгдэхүүн, үйлчилгээгээ танилцуулан, худалдан борлуулах боломж олгох, шинэ зах зээл,борлуулалтын суваг нээх, нийлүүлэгч олох,  харилцаа холбоо хөгжүүлж, сүлжээнд орох боломж олгох, тэдгээрийн харилцан ашигтай хамтын ажиллагааг өргөжүүлэх, хэрэглэгчидэд авто машин болон түүнийг дагалдах бүтээгдэхүүн, үйлчилгээг нэг дороос зах зээлийн үнээс хямд үнээр, худалдан авах нөхцөл бүрдүүлэх юм байна.

Үзэсгэлэнгийн үеэр зохион байгуулагдах үйл ажиллагаа нь оролцогч байгууллагуудын мэндчилгээ, танилцуулга, авто машины дуудлага худалдаа , автомашинтай холбогдолтой бүтээгдэхүүн, үйлчилгээний хямдралтай худалдаа, үйлчилгээ, урлагийн тоглолт, сонирхогч, үйлчлүүлэгчдийн дунд  азтан шалгаруулах сугалаа, хөгжөөнт тэмцээн уралдаан явуулах юм.

Та бүхэн энэ оны хамгийн том “Авто экспо-2016” үзэсгэлэн худалдаанд оролцож, өөртөө хэрэгтэй авто машины бүх үйлчилгээг авахаас гадна зах зээлийн хамгийн хямд үнээр авто машинтай болох алтан боломж танд нээгдээд байна.

Дөрөвдүгээр сарын 09, 10-ны өдрүүдэд “Авто Худалдааны Цогцолбор”-ын 2Б талбайд очиход л танд хэрэгцээтэй бүхэн байх болно.