“Нэг мод тарих нэг насны буян” хэмээн монголчууд бид бэлгэшээдэг. Тэгвэл энэ их буяныг өргөж яваа Narantsetseg Togooch-ийн зурвасыг энэ удаа онцоллоо. Учир нь цөлжилт эрчимтэй явагдаж буй их говьд тэрээр сүүлийн гурван жил мод тарьж, цөлжилтийн эсрэг тэмцэж байгаа аж. “Говьд тарьсан улаан сухай минь гурав дахь жилдээ ургаж байна. Нэмж 20000 улиасны мөчир суулгаад ирлээ” хэмээн тэрээр өөрийн цахим хуудсандаа нийтэлжээ.