ОХУ-ын Буриад улсын нийслэл Улан-Үдэ хотын Академик районы орчмоос усанд осолдсон хүний цогцос олдсон байна. Цогцосыг цагдаагийн байгууллагад шилжүүлэн хэн болохыг нь тодруулахаар ажиллаж байгаа юм байна.
Үүний өмнө тавдугаар сарын 16-нд Буриадын Жидиний районыЦагаан-Ус тосгоны орчим адуу хариулж явсан иргэн Сэлэнгэ мөрөнд эрэгтэй хүний цогцос хөвж явахыг илрүүлэн цагдаагийн байгууллагад мэдэгдэж байсан юм. 35 орчим настай ази царайтай эрэгтэйг Монгол Улсын иргэн байх магадлалтай гэж хуулийнхан үзэж байна.
Биедээ ямар ч баримт бичиг байхгүй ч халаасанд нь байсан гар утасанд монгол цагаан толгойн үсэг суурилуулсан, гар утасны сим карт нь оросын үүрэн телефоных  биш байсан гэнэ.
Талийгаач цагаан футболк, хар савхин хүрэмтэй, саарал өнгийн жинс өмдт, хүрэн фүтстэй байсан байна.