Британийн эмч мэргэжилтнүүд, хоол судлаачид  удаан хугацааны судалгааныхаа дүнд жингээ хасах хамгийн тохиромжтой насыг тогтоосон байна. Санал асуулга, судалгаанд нэг мянга гаруй хүнийг хамруулан судалснаар хүний турж жингээ хасахад хамгийн тохиромжтой, үр дүнтэй нас бол 30-35 нас гэж тогтоосон байна.
Эрчүүдийн хувьд энэ насыг 31 гэсэн бол эмэгтэйчүүдийн хувьд 32 насанд турахад хамгийн их үр дүнтэй байдаг гэжээ. Яг энэ насанд хүмүүс эрүүл мэнд, хоол хүнсэндээ илүүтэй анхаарал тавьж эхэлдэг гэнэ. Энэ л насандаа хүн жингээ хасах талаар санаа тавьж эхэлэхгүй юм бол үүнээс хойш тийм ч амаргүй болдог байна. 30 наснаас хойш л хүмүүс гадаад төрх,  биеийн жиндээ анхаарч, шүүмжлэлтэй хандан санаа тавьж эхэлдэг гэжээ.
Гэтэл бас 30 хүртэлх насандаа болохоор хүн өөрийн хүслээ хянах чадварын хувьд сул байдгаас турахыг хүслээ ч үр дүн нь хангалтгүй байдаг байна. Эмэгтэйчүүд төрснийхөө дараанаас л турмаар санагддаг нь 30 насны орчим л гэсэн үг гэдэг нь судалгаанаас харагджээ.