Америкийн Балтиморийн иргэн хамгийн өндөр настай бялдаржуулах урлагийн тамирчин эмээ Эрнестина Шепард өнөөдөр 80 насны сүүдэр зэрэгцэж байгаа ч марафонд гүйж, тэмцээн уралдаанд оролцсоор байна. Түүний бие, булчин нь яг л 20 настай тамирчных шиг хэвээрээ.

Тэрээр өөрийгөө ихэнх амьдралаа биеийн тамирын дасгал хөдөлгөөн хийлгүй тун бага хөдөлгөөнтэй өнгөрүүлсэн гэж ярьдаг. Харин 56 наснаасаа эхлээд амьдралаа өөрчлөхөөр шийдэж эгчийнхээ хамт спортоор хичээллэжээ.

Хоёулаа аэробикоор хичээллэж, бялдаржуулах урлагийн тэмцээнд оролцдог болсон байна. Улмаар 2010 онд бялдаржуулах урлагийн хамгийн өндөр настай тамирчин хэмээн Гиннесийн дээд амжилтын номд оржээ.

Тэрээр өглөө бүрийн гурван цагаас бясалгал хийгээд дараа нь гүйдэг гэнэ. Найман цаг гэхэд жинхэнэ спортын дасгал хийгээд орой 21 цагаас хойш унтдаг байна.  Харин гэр ахуйн ажлыг нь түүнтэй хамт 60 жил амьдарч байгаа халамжит нөхөр Колин нь амжуулдаг байна. Хоолондоо ч тэрээр цагаан будаа, тахианы мах, грек самар, хүүхдийн будаа, өндөг хэрэглэж ус хэмжээгээр уудаг гэнэ.