Монгнолын Улсын Их хурал пүрэв гарагт Ерөнхий сайд Жаргалтулгын Эрдэнэбат тэргүүтэй Засгийн газраа огцрууллаа.
УИХ-ын чуулганы нэгдсэн хуралдаанд оролцсон гишүүдийн 57,53 хувь нь засгийн газраа огцруулах санал өгсөн байна.

Ерөнхий сайдыг огцруулах асуудлыг УИХ-ын Трөийн байгуулалтын байнгын хороо наймдугаар сарын 30-нд хэлэлцээд 17 гишүүний 9 нь огцруулахын эсрэг саналд өгсөн юм. Харин УИХ-ын гишүүд пүрэв гарагт Төрийн байгуулалтын байнгын хорооны шийдвэрийн эсрэг санал өгчээ. Нэгдсэн чуулганы санал хураалтаар хуралдаанд оролцсон 73 гишүүний 42 нь Ерөнхий сайдыг огцруулахын төлөө санал өгсөн байна.

Ерөнхий сайд огцрохоор түүний танхим бүхэлдээ огцорч байгаа юм.
Наймдугаар сарын 23-нд УИХ дахь эрх баригч  МАН-ын бүлгийн гишүүд 2016 оны долдугаар сард томилогдсон Ж.Эрдэнэбатыг Ерөнхий сайдаас  огцруулах шаардлага өргөн барьсан юм. Ж.Эрдэнэбат үүний өмнө Монгол Улсын Сангийн сайдын алба хашиж байсан юм.

Хуулийн дагуу Монгол Улсын шинэ Засгийн газрыг 30 хоногийн дотор бүрдүүлэх ёстой хэмээн оросын мэдээллийн ТАСС агентлаг мэдээлжээ.