Энэ сарын 26-наас 30-ны өдрүүдэд хятадын ӨМӨЗО-ны нийслэл Хөх хотод Хятад-Монголын хоёр дахь ЭКСПО болно.
Энэ удаагийн арга хэмжээ олон улсын хамтын ажиллагааны “Нэг бүс, нэг зам” төслийн хүрээнд болж Хятад, Монгол, Орос улсуудын харилцан хөрөнгө оруулалт, аялал жуулчлал, соёлын холбоог бэхжүүлэх зорилготой юм байна. ЭКСПО-г БНХАУ-ын Арилжааны яам, ӨМӨЗО-ны Ардын засгийн газар, Монгол Улсын ХААХҮ-ийн яам хамтран зохион байгуулах юм.

ЭКСПО-гийн хүрээнд барилга, эрчим хүчний шинэ эх үүсвэр, адууны аж ахуй, ашигт малтмал, боловсрол, шинжлэх ухаан техник, санхүү, электрон бизнес, уламжлалт анагаах ухаан, эмийн үйлдвэрлэлийн талаар, бүс нутгийн хамтын ажиллагааны талаар ажил хэрэгч ярилцлага, үзэсгэлэн дэлгэж үзүүлэх юм. Мөн харилцан үр ашигтай хамтын ажиллагааны олон улсын талбарууд зохион байгуулна.
ЭКСПО-д улстөрчид, албаны болон ажил хэрэгч хүмүүс, бизнесийн төлөөллүүд оролцоно.