УИХ-ын өнөөдрийн чуулган дээр УИХ-ын шийдвэрт хэсэгчлэн тавьсан Монгол Улсын Ерөнхийлөгчийн хоригийг хэлэлцэж байгаа билээ. Энэхүү хоригт "Засгийн газрын гишүүн-Сангийн сайдаар Ч.Хүрэлбаатарыг томилсон Улсын Их Хурлын тогтоолын зохих хэсэгт тавьсан энэхүү хоригийг хууль, журмын дагуу хэлэлцэн шийдвэрлэж өгөхийг хүсье" гэсэн. УИХ-ын Хууль зүйн байнгын хороо, төсвийн байнгын хороон дээр энэ асуудлыг хэлэлцээд хүлээн авах боломжгүй гэж үзсэн.
Энэ асуудлаар УИХ-ын гишүүд өөр өөрсдийн байр сууриа илэрхийлж буй билээ.
УИХ-ын гишүүн Б.Бат-Эрдэнэ Ерөнхийлөгчийн хоригийг хүлээн авах нь зүйтэй гэж үзэж байгаа илэрхийлсэн юм. Тэрээр хэлсэн үгэндээ" У.Хүрэлсүхийн Засгийн газар их сайхан амлалттай гарч исрэн. төр бизнесийг зааглана, Уул уурхайн шударга бус хуваарилалтыг зогсооно энэ тэр гээд. Монголын төр яагаад урагшаа явахгүй байна вэ.

Гол шалтгаан нь уул уурхайтай холбоотой гэдгийг бүгд мэдэж байгаа. 3000 лицензийг цэгцэлнэ гэдэг ч одоо хүртэл хийсэн ажил алга.  Тиймээс Ерөнхийлөгчийн хоригийг хүлээж авах нь би хувьдаа зөв гэж үзэж байна.  Ч.Хүрэлбаатар сайдын хувьд Оюутолгойн гэрээг хамгийн сайн хувилбараар би хийсэн гэдэг.

Сайханбилэгийн Засгийн газар Дубайн гэрээг хийсний дараахан УИХ-аас ажлын хэсэг гарч шалгах болсон. Бас л Хүрэлбаатар би ахална гэсэн. Ажлын хэсэгт багтсан бид мэтийн олон хүн бүх ажлыг нь хийсний дараа энэ хүн гарын үсэг зурах ёстой байсан ч зураагүй алга болчихсон. Өнөөдөр нам дамнасан бүлэглэл гээд яриад байдаг нь нам дотроо бүлэглэл болж хуваагдаад тэр бүлэглэл нь шийдвэрээ гаргаж байна. Тиймээс бид энэ асуудалд их бодитойгоор хандаж, шийдвэрээ гаргах нь зөв" гэв