Засгийн газар хөрөнгө оруулалт, бизнесийн таатай орчин бүрдүүлэх, татвар төлөгчийн эрх ашгийг хамгаалах, татварын хууль тогтоомжийг энгийн, ойлгомжтой болгох, олон улсын татварын шинэлэг зарчмуудтай нийцүүлэх зорилгоор татварын хоёр дахь шатны шинэчлэл хийхээр ажиллаж байгаа аж. Жижиг, дунд бизнесийг  дэмжих зорилгоор жилийн 50 сая хүртэл төгрөгийн борлуулалтын орлоготой аж ахуйн нэгжийн /өөрийн хүсэлтээр e баримтын кассын системд холбогдсон нөхцөлд/ борлуулалтын орлогоос нэг хувь, 1.5 тэрбум төгрөгөөс доош бол 10 хувь /ашгаас авах хэмжээ ба үүнээс буцаалт 9 хувь/-ийн татвар авах нь. Цаашид аж ахуйн нэгжийн 25 хувийн орлогын албан татварын гурван тэрбум төгрөгийн босгыг зургаан тэрбум төгрөгт хүргэхийг зорьж буй гэнэ. Мөн татвар төлөгчийн хүсэлтээр татвар төлөх хугацааг хоёр сар хүртэл сунгах боломжтой байсныг торгуульгүйгээр нэг жил хүртэл болгох зохицуулалт хийх юм байна.