Монгол Улсын Ерөнхийлөгч Х.Баттулга Баян-Өлгий аймгийн иргэдтэй уулзах үеэр 13-хан насандаа бүргэдчин охины дүрээр эх орноо дэлхий дахинд сурталчилсан Н.Айшолпан охин Төрийн тэргүүнд өөрийнхөө хөрөгтэй дурсгалын зураг гардуулжээ. Энэ тухайгаа өөрийн фэйсбүүкнээ ийн бичжээ. “Хүндэт Ерөнхийлөгч өө би казахын даруухан айлын охин Айшолпан байна. Надад аз тохиож эрх чөлөөт ардчилсан Монгол Улсын иргэн болж төрсний хувьд казах түмний олон зун жилийн уламжлал болсон бүргэдээрээ улсынхаа нэрийг дэлхийд таниулах гэж хичээж яваа юм аа. Танд бүргэдтэйгээ авахуулсан зургаа дурсгал болгохыг хүсье. Таны мэлмий бүргэдийн хараа шиг хурц байж эх оронд минь шударга ёс батжин бэхжих болтугай” гэсэн байв.