УИХ-ын хаврын чуулган хуулийн дагуу долдугаар сарын нэгэнд завсарладаг. Энэ удаад долдугаар сарын нэгэн ням гариг буюу амралтын өдөр таарч байгаа. Тиймээс хаврын чуулганыг зургадугаар сарын 29-нд завсарлуулахаар болжээ.

Чуулган завсарлах дөхөж байгаатай холбогдуулан хэлэлцэхээр төлөвлөсөн хууль, тогтоолын төслийг УИХ цаг сунган хуралдаж, шийдвэрлэх бололтой. Өнөөдрийн хуралдаанаар гэхэд 20 гаруй асуудлыг хэлэлцэхээр чуулганы хуралдааныг цаг сунган хуралдахаар  болсон. Мөн Засгийн газраас Тавантолгойн ордыг эдийн засгийн эргэлтэд оруулах тухай хуулийн төслийг яаралтай хэлэлцүүлгээр өргөн бариад байгаа юм.