Нийслэлийн Баянзүрх дүүргийн 5 дугаар хороонд байрлах Отгонтэнгэр дээд сургуулийн зүүн талд байрлах Ляна хө рестораны урд хэсэгт нийтийн эзэмшлийн зам талбайд өргөтгөл барих гээд газар шорооны ажил хийж байна гэсэн мэдээлэл иргэд өгчээ. Үүнийг дагуу шалгахад өмнө нь байсан үүдний гонх хэсгийг буулгасан байдалтай байжээ. Тодруулахад барилгын гадна фасадыг шинэчлэх зорилгоор буулгасан, өргөтгөлийн ажил хийхгүй шилэн фасад хийнэ гэсэн хариу тайлбар өгсөн байна.
Харин өчигдөр /2018.09.05/ тус газарт Нийслэлийн мэргэжлийн хяналтын газрын дэд дарга С.Даваасүрэнгээр ахлуулсан ажлын хэсэг хяналт шалгалт хийхээр очиход барилгын үүдэн хэсэгт газар ухагч экскаватор байрлуулж, автозамын боржуур давуулан явган хүний зам талбайг эвдэж, газар шорооны ажил хийж эхэлсэн байж.
Нийтийн эзэмшлийн газарт дур мэдэн,зөвшөөрөлгүйгээр газар шорооны ажил хийж байсныг газар дээр нь таслан зогсоож, эзэн холбогдогчийг шалгаж байна. Тус рестораны үйл ажиллагааг түр хугацаагаар зогсоож, зөрчлийн хэрэг нээжээ.
