Монголын Тээвэр холбоо, газрын тосны ажилтны ҮЭ-ийн холбооны анхан шатны нэгж болох “Петро стар” ХХК-ийн 30 гаруй шатахуун түгээх станцын ҮЭ-ийн гишүүд “Хөдөлмөрийн харилцаа ба хөдөлмөрийн нөхцөл” сэдэвт сургалтад хамрагдаж байна.
Сургалтын эхэнд МҮЭ-ийн холбооны ХХХБГ-ын дарга, Эмэгтэйчүүдийн хорооны дарга Ц.Отгонтунгалаг тус хорооны 2018 оны үйл ажиллагаа, хөдөлмөрийн нөхцөл, хэмжилт судалгааны ажлын явцын талаарх мэдээлэл, хөдөлмөрийн гэрээ, хамтын гэрээний зүйл заалтад анхаарах зүйлс зэргээр сургалт, арга зүйн мэдээлэл өглөө.
“Петро стар” ХХК-ийн ажилтнууд өвөл, зуны улиралд гадаа ажилладаг, химийн хорт нэгдлүүдээр амсгалдаг гэхчлэн хөдөлмөрийн хүнд хортой нөхцөлд хамаардаг боловч өнөөг хүртэл хөдөлмөрийн хэвийн нөхцөлд тооцогдож ирсэн байна.
МХЕГ-ын Хөдөлмөрийн эрүүл ахуйн хяналтын Улсын ахлах байцаагч З.Мөнхтуул тэдний асуултад дэлгэрэнгүй хариулт өгсөн юм.
Тус компанийн эмэгтэй ажилтнуудын хөдөлмөрлөх нөхцлийг үнэлэхээр МҮЭ-ийн холбооны дэргэдэх Эмэгтэйчүүдийн хорооноос санал асуулга авлаа. Цаашид тус компанийн 16, 29, 28 шатахуун түгээх салбарын ажилтнуудаас дээрх судалгааг авах аж.
