НҮБ-ын Ерөнхий ассамблей 1990 онд жил бүрийн 10 дугаар сарын 1-нийг “Олон улсын ахмадын өдөр” болгон тэмдэглэн өнгөрүүлэх шийдвэр гаргасан.  Манай улс энэ өдрийг  тэмдэглээд 26 жил болж байна. Үндэсний статистикийн хорооны мэдээллээр  манай улсын нийт хүн амын 6.5 хувь буюу 209 мянга нь ахмадууд. Тэдний 41 хувь нь эрэгтэй, 59 хувь нь эмэгтэй. Нийт ахмадуудын 67 хувь нь хот болон аймгийн төвд амьдардаг бол үлдсэн 33 хувь нь сумын төв болон хөдөө амьдардаг. Мөн нийт ахмадуудын 75 хувь нь тэтгэврийн зээлтэй байна.