МАН-ын ээлжит бус хурлын талаар дөнгөж сая сэтгүүлчдэд мэдээлэл өгөв. Энэ үеэр Д.Хаянхярваа дарга “Б.Батзориг эрх мэдлийнхээ хүрээнд хамаарал бүхий компанидаа зээл өгсөн. Бүгд л мэдэж байгаа асуудал” хэмээн хэлсэн билээ. Тэгвэл энэхүү мэдээлэлтэй зэрэгцээд Ерөнхий сайд У.Хүрэлсүх Б.Батзоригийг огцруулах болсноо намынхандаа мэдэгдсэн гэх мэдээлэл чих дэлсэв. Жижиг дунд үйлдвэрлэлийг дэмжих сангийн хөрөнгөнөөс дур мэдэн төрийн өндөр албан тушаалтнуудад зээл тараасан, өөрийн хамаарал бүхий компанид 1.4 тэрбум төгрөгийн зээл олгосон гэх үндэслэлээр тэрээр сайдын суудлаа өгөхөөр болсон нь энэ.