АН-ын бүлгийн дарга Д.Эрдэнэбат өнөөдөр сэтгүүлчдэд мэдээлэл өгөх үеэрээ “Л.Болд гишүүн намын сахилгын шийтгэлийг эсэргүүцэж надад бичиг хүргүүлсэн. Тэр намын гишүүн хэвээрээ байгаа учир бүлэг цаашид үйл ажиллагаагаа хэвийн үргэлжлүүлнэ. Харин намаасаа гарсан тохиолдолд бүлэггүй болох эрсдэл үүсч болно” гэж хэлсэн билээ. Тэгвэл өчигдөр АН-ын бүлгээс гарч байгаагаа мэдэгдсэн УИХ-ын гишүүн Л.Болд өнөөдөр Ардчилсан намын гишүүнчлэлээсээ татгалзсан шийдвэр гаргасан байна.