МАН-ын Бага хурал халуухан болж байна. Учир нь, МАН-ын дарга У.Хүрэлсүхийн тавьсан “Шударга бусын хонгил”-ыг нураах ёстой гэх утгыг илэрхийлсэн илтгэл нь УИХ-ын дарга М.Энхболд руу чиглэлээ гэцгээж байна. Тэгвэл үүнийх нь хариу болгож УИХ-ын дарга М.Энхболд ч мөн илтгэл тавив. Тэрээр “Монгол Улсын Ерөнхийлөгч “60 тэрбум”-ыг цэгцэлнэ гэж ярьж, сонгуульд ялалт байгуулсан. Манай зарим нөхөд ч гэсэн энэ асуудлыг их ярьж байна. Хууль хяналтын байгууллага хянаж үзээд эрүүгийн хэрэг үүсгэхээс татгалзаж хэрэгсэхгүй болгосон. Энд сууж байгаа хүмүүсийн хэн нь 60 тэрбумын схемээр албан тушаалд томилогдсон юм бэ гэдгээ ярих хэрэгтэй. Тэр схемээр нэг ч хүнээс мөнгө төгрөг авч ажил албан тушаалд томилоогүй гэдгээ өмнө нь хэлсэн, одоо ч бас хэлье.
Өөрийн амрыг хараад энэ албыг өгөхөд надад болохгүй зүйл гэж үгүй, гэхдээ өнөөдөр цаг нь биш. ЖДҮХС-гаас зохион байгуулалттай гэж хэлж болохоор зээл авсан, тэр нь олон түмний бухимдлыг төрүүлээд байгаа энэ цаг үед хүндрэл бэрхшээлээс зугатааж өргөдлөө өгөөд явахыг би буруу гэж бодож байна. Харин төр засаг үйл ажиллагаагаа хэвийн явуулах боломж бүрдсэн үед асуудал өөр байна” гэв.
