УИХ-ын Тамгын газрын дарга Ц.Цолмон дөнгөж сая хэвлэлийнхэнд мэдээлэл өгөв. Тэрээр “УИХ-ын гишүүд, жагсаал зохион байгуулагчид УИХ-ын дарга М.Энхболдтой уулзсан. Тэр өрөөнд чухам юу болсон талаар мэдээлэл өгөх гэсэн юм. Гэхдээ ямар нэгэн улс төрийн өнцгөөс ярихгүй.
УИХ-ын гишүүд жагсагчдынхаа төлөөлөлтэй хамт УИХ-ын даргатай уулзмаар байна гэсэн. Тэр шаардлагыг нь биелүүлж УИХ-ын гишүүдийг жагсагчдын төлөөллийн хамтаар УИХ-ын даргатай уулзахаар ирсэн. Гарч ирээд ямар мэдэгдэл хийснийг нь сайн мэдэхгүй байна.
Тэд өмнө нь УИХ-ын даргад шаардлага тавьсан. Тодорхой үндэслэлүүдийг тавьсан. Үүнийг нь олон нийтэд ил болгоно. Үндэслэл, шаардлагынх нь хариуг албан ёсоор өгье гэж уулзсан. УИХ-ын даргын хариултыг орж ирсэн хүмүүс маань сонсоогүй. Өөрсдөө шаардлагаа тавьсан.
УИХ-ын гишүүдтэй хамт орж ирсэн хүмүүс УИХ-ын дарга руу дайрсан. Энэ үйлдэл нь ордонд мөрдөгддөг хууль журмыг зөрчсөн асуудал болсон. Тэдэнд хариуцлага тооцох эсэхийг хэлж мэдэхгүй байна.