УИХ-ын дарга М.Энхболд дөнгөж сая ҮАБЗ-ийн хуралд оролцохоор явж байх үедээ өрөөнд нь юу болсон талаар сэтгүүлчдэд мэдээлэл өглөө. Тэрээр “Жагсагчдын төлөөлөл надтай уулзах санал тавьсан. Тэдний саналыг хүлээж авч уулзсан байгаа. Тавьж буй шаардлагыг нь ч сонссон. Миний хувьд өмнөх удаагийн жагсаалын шаардлагынх нь хариуг өгөх гэж уулзсан. Гурван хуудас хүрэхгүй шаардлагын хариуг нь өгөх гэсэн боловч хүлээж авсангүй.
Төрийн байгуулалтын байнгын хороон дээр өөрийнхөө байр суурийг тодорхой илэрхийлсэн. УИХ-ын тухай хууль болон Чуулганы дэгийн тухай хуульд нэмэлт өөрчлөлт оруулах хуулийн төслийг Ерөнхийлөгч өргөн мэдүүлсэн. Хуулийн төслийг дэмжиж байгаа. Орж ирсэн хүмүүс их бухимдалтай байна лээ. Би тэрнийг нь ойлгож байна. Иргэдийн амьдрал сайнгүй байна. УИХ-ын ажлыг хэвийн явуулаад энэ мэт асуудлыг шийдэх хэрэгтэй” гэв.