Хууль зүйн сайд, Ерөнхий прокурор асан Д.Дорлигжавын өмгөөлөгч Д.Оросоо, А.Ууганбаяр нар Хан-Уул дүүргийн Эрүүгийн хэргийн анхан шатны шүүхийн Ерөнхий шүүгчид  яллагдагч нарыг нэг сарын хугацаатайгаар цагдан хорих шийдвэр гаргасан. Эл цагдан хорих захирамжийг хүчингүй болгож, таслан сэргийлэх арга хэмжээг өөрчлөх хүсэлт гомдол гаргасан байсан юм. Өмгөөлөгч Д.Оросоо, А.Ууганбаяр нар шинэ нотлох баримт гаргаж танилцуулна гэсэн хүсэлт гаргасан тул шүүх хуралдааныг өнөөдрийг хүртэл хойшлуулаад байсан юм. Тэгвэл өнөөдөр болсон шүүх хурлаар өмгөөлөгч нарын гаргасан гомдлыг хэрэгсэхгүй болгож, Д.Дорлигжав нарыг үргэлжүүлэн хорихоор болсон байна.