УИХ-ын гишүүн Н.Номтойбаяр мэдээлэл хийв. Тэрээр Цагаан суваргын ордын талаар дараахь тайлбарыг өглөө. “Улс төртэй холбоотой ажил хийдэг хүмүүсийн нэр төрийг гутааж болохгүй. Миний аав өдийг хүртэл ажиллахдаа хулгай хийж үзээгүй. Тендерт холбогдож үзээгүй. Нямтайшир гэдэг хүн Монголын эдийн засаг. Төсвийн орлого нэмэгдлээ гэж байна. Хэний ач гавьяа юм. Нямтайшир тэргүүтэй бизнесмэнүүдийн ач. Цалин, тэтгэвэр, тэтгэмж нэмнэ гэлээ. Хэн мөнгийг нь өгөх юм. Баялаг бүтээгчид л мөнгийг нь өгнө. Тэгэхээр хийж бүтээдэг хүмүүс рүүгээ дайрахаа боль.
Цагаан суваргын ордыг хурааж авна гэж байна. Болно. Би зөвшөөрнө. Гэхдээ одоо шууд хурааж авна гэвэл хууль зөрчсөн үйлдэл болно шүү дээ.
Ашигт малтмалын тухай хуулийн 5.2, Үндсэн хуулийн 6.1-т зааснаар ашиглуулах эрхийг Засгийн газар өгдөг юм. Цуцалж болно. Нөхөн төлбөрийн асуудал яригдана. Эсвэл чуулганы үеэр “Хувьсгалын үеэр хууль хамаагүй” гэж ярьсан шиг ээ дураараа авирла. Тэгвэл Оюутолгойн 66 хувь, Эрдэнэтийн 41 хувийг ав. Нэг зарчим үйлчлэх ёстой. Түүнээс биш надад зориулсан зарчим үйлчлэх ёсгүй. Дээрэмдэх юм бол бүгдийг нь дээрэмд. Дэмжих бол олигтойхон дэмж” гэв.