“Ж.Батзандан:Таны эхнэр миний нутгийн эгч. Ийм хүргэнтэй байгаадаа сэтгэл зовж байна.
М.Энхболд: Тэгээд яах юм. Эхнэрээсээ салах уу‼” гэх яриа өчигдөр сошиал ертөнцөөр нэг хэсүүчилсэн. Өнөөдөр хүртэл УИХ-ын гишүүн Ж.Батзандангийн “Та эхнэрээсээ битгий салаарай. Манай нутгийн хөгшчүүл таныг битгий салаарай гэж надаар хэлүүллээ” гэх хоржоонтой үг УИХ-ын дарга М.Энхболдын “Та Сүхбаатар аймгаас нэр дэвшиж үзсэн юм уу. Та хот хавиар л амиа аргацаадаг шүү дээ” зэрэг үгс хүмүүсийн анхаарлын төвд байх шиг байна. Тэгвэл эдгээр харилцан ярианыхаа талаар УИХ-ын гишүүн Ж.Батзандан дараахь тайлбарыг хийлээ.
“Иргэд олон түмнээ зөвөөр ойлгоосой гэж хүсч байгаа. УИХ-ын дарга бид хоёрын хооронд жижиг маргаан гарсан. Хууль батлахтай холбоотойгоор гишүүд их стресстэй байгаа. УИХ-ын дарга ч гэсэн стресстэй байх шиг. Гэлээ гээд бид хоёр нэг нэгнийгээ үзэн ядаж, муугаар хараад байгаа зүйл байхгүй шүү. Энийг зөвөөр ойлгоорой. Би дэлхийн улс орнуудын түүхийг ярих дуртай хүн. 1989, 1990 онд дарангуйлагчаа яаж зайлуулж байсан түүхийг нь УИХ-ын индэр дээрээс ярьсан. Түүнээс бус дарга удирдлагуудаа шууд цааш нь харуулчихая гэдэг зүйлд уриалаагүй. Ер нь улс төрийн тэмцэл хуулиас халихаар тийм л зүйл рүү явдаг шүү гэдэг сануулгыг өгсөн юм шүү. Буруу ойлголцол, буруу мэдээлэл цацагдсан байна гэж харж байгаа” гэв.
