Төрийн ордонд амь насаа алдсан Г.Батхүү агсны гэр бүлийнхэн анх удаа олон нийт болон хэвлэлд хандсан мэдээлэл хийсэн. Тэгвэл УИХ-ын гишүүн Н.Номтойбаяр өөрийн твиттер хуудаснаа байр сууриа илэрхийлжээ.

Тэрбээр “АПУ-гийн NTV ийм “кино” зохиол бичээд Ундралжаргалт нь хэвлэлээр зохион байгуулалттай тараах гэж байгаа юм байна. Цагдаад шалгуулахаар одоо өгнө. @BuBaatarkhuu -д, цагдаа хэргийн бодит үнэний талаар мэдээлэл хийхийг шаардаж байна” гэсэн байна.

 Сануулахад, Г.Батхүү агсныг амиа алдсаны дараа УИХ-ын гишүүн Н.Номтойбаяр гэрчийн мэдүүлэг өгсөн байдаг.  Тодруулбал, 2019 оны тавдугаар сарын 19, 30,  2019 оны зургадугаар  сарын 18-нд гэрчийн мэдүүлэг тус тус өгөхдөө зөрүүтэй мэдүүлэг өгсөн гэх мэдээлэл бий.