Эрүүл мэндийн яамнаас ээлжит мэдээллээ хийв. Энэ үеэр ХӨСҮТ-ийн ерөнхий захирал Д.Нямхүү “Гуравдугаар сарын 23-нд зургаан дүүргийн эмнэлгүүдээс түүврийн аргаар 28 хүнээс шинжилгээ авсан. Ингэхэд коронавирус илрээгүй. Уушгины хатгаагаар өвдсөн хүмүүсийн дунд коронавирус байна уу гэдгийг эрэн хайж, хянасан гэсэн үг.
Гуравдугаар сарын 23-ны өдөр Алтанбулаг боомтоор орж ирсэн зорчигчдоос Сэлэнгэ аймагт 2, Орхон аймагт нэг, нийт гурван сэжигтэй тохиолдол тусгаарлагдсан. Эдгээр иргэнээс коронавирус илрээгүй. Эмчилгээ хийлгэж байгаа хүмүүсийн бие тогтвортой байна. Тэдний шинжилгээг өдөр бүр лабораториор хянаж байгаа. Эмчилгээний үр дүн ямар байгааг харьцуулан үзэх ач холбогдолтой юм. Эдгэсэн хүнийг гаргахдаа гурван өдөр дараалан шинжилгээ авч баталгаажуулсны дараа гаргадаг байгаа” гэв.
