ЭМЯ-ны ээлжит мэдээллээ хийж байна. Энэ үеэр ЭМЯ-ны хэлтсийн дарга Д.Нарангэрэл нэгэн чухал мэдээлэл өгснийг уншигч танд хүргэж байна.
“Коронавирусийн тархалтын талаарх шинэ судалгааны материал гарч байна. Жишээнээс нь дурдвал энэ өвчин дуслын замаар халдаж байна. Өвчтэй хүн найтаах, ханиах явцад энэ өвчин гадаад орчинд дуслаар тараад, халдвар дамжих эрсдэлийг их үүсгэж байна. Тиймээс амны хаалт зүүх нь үр дүнтэй арга юм. Амны хаалтын хэрэглээг төдийлэн анхаарахгүй байсан улс орнууд хүртэл зүүх чиглэлийг баримталж, зөвлөгөө өгч байгаа. 0-15 насны хүүхдүүд энэ өвчнөөр өвдөх явдал ихсэж байна. 80 гаруй хувь нь шинж тэмдэггүй боловч өөрсдөө халдвар тараагч болж байна. Үүнээс улбаатай өтгөн мөрийн замаар халдвар тархах эрсдэлийг нэмэгдүүлж байна. Хүний өтгөнөөр дамжиж гадаад орчинд гарч байна. Зарим өвчтөнд өвчний шинж тэмдэг нь 21 хоногийн дараа илэрч байна. Тиймээс ил задгүй жорлонг ариутгах, халдваргүйтгэл хийх шаардлагатай. Харин байранд амьдардаг айлууд суултуураа хаагаад усаа татаж байх нь зүйтэй юм. Өтгөнөөр бохирдсон ус дээшээ үсрэх юм бол халдвар тархах эрсдэлтэй. Дараагаар нь гараа маш сайн савандаж угаах нь өтгөн мөрийн замаар халдвар тархах эрсдэлээс хамгаална” гэлээ.
