Эрүүл мэндийн яамнаас ээлжит мэдээллээ сая хийж дууслаа. Энэ үеэр ХӨСҮТ-ийн ерөнхий захирал Д.Нямхүү “3 сарын 30-нд тусгаарлагдсан 7 хүний шинжилгээнд коронавирус илрээгүй. Мөн тандалтын шугамаар уушгины хатгаагаар өвдсөн хүмүүсээс авсан шинжилгээнээс коронавирус илрээгүй. Өнөөдрийн байдлаар ХӨСҮТ-д 218 хүн хяналт, тандалт, эмчилгээнд хамрагдаж байна.

Гадаадад байсан гар мухардсан иргэдээ эх оронд нь авчирч, хоол ундтай нь залгуулж байгаа нь Монголын төр засгийн гавьяа юм гэж олон хүн захидалдаа бичжээ.

Энэ мэтээр бие биедээ сэтгэлийн дэм өгөх хэрэгтэй. Сэтгэлийн дэм бол эмчилгээний 50 хувь гэж ойлгож болно. Цөөхөн монголчууд маань их хувь заяатай. Бие биенээ муу үгээр хэлж ажил үйлст муугаар нөлөөлөхийн оронд нэг нэгэндээ сайхан үг хэлэх хэрэгтэй. Бие биенээ муулж байхаар намайг муулаач гэж коронавирус сануулж байна” гэв.