Эрүүл мэндийн яамнаас ээлжит мэдээллээ хийж байна. Энэ үеэр ЭМЯ-ны Тандалт, шуурхай удирдлагын хэлтсийн дарга Д.Нарангэрэл "АНУ, Испани, Итали, Их Британи, Турк зэрэг 10 улсад тархалт эрчимтэй явагдаж байна. Харин манай улсын хувьд нийт бүртгэгдсэн 15 тохиолдлын хоёр нь бүрэн эдгэрээд байна. 

Улсын хэмжээнд 1,530 хүн ажиглалтад байна. Мөн өчигдөр 547 хүн эмнэлгийн ажиглалтаас гарч, гэрийн ажиглалтад шилжсэн” гэв.

Харин ХӨСҮТ-ийн захирал Д.Нямхүү  "Өнөөдөр хоёр хүн эдгэрч ХӨСҮТ-ээс гарч байна. Эдгээр хүмүүст таван төрлийн шинжилгээг гурван өдөр дараалан хийхэд хариу нь сөрөг гарсан. Цаашид хяналтаа үргэлжлүүлнэ” гэв.

Дашрамд сонирхуулахад Берлин-Москва-Улаанбаатар чиглэлийн нислэгээр ирсэн хоёр хүн ийнхүү эдгэсэн сайхан мэдээ байна.