Сүхбаатар дүүргийн 1 дүгээр хороонд П.Гэндэнгийн нэрэмжит сан ТББ-ийн захиалгаар баригдаж буй барилгын гүйцэтгэгчээр Босоо цамхаг констракшн ХХК ажиллаж байгаа барилга угсралтын ажилд хяналт шалгалт хийгдлээ. Шалгалтаар барилгын угсралтын ажлыг барилгын ажлын зөвшөөрлийн гэрчилгээгүй, магадлал хийлгээгүй ажлын зургаар угсралтын ажлыг гүйцэтгэсэн нь МУ-ын Барилгын тухай хуулийн 40 дүгээр зүйл /Барилгын гүйцэтгэгчийн чиг үүрэг/-ийн хэрэгжилтийг хангаж ажиллаагүй зөрчлийг илрүүлж, МУ-ын Зөрчлийн тухай хуулийн 12.1 дүгээр зүйлийн 7.4-д заасны дагуу зөрчлийн хэрэг бүртгэлийн ажиллагааг явуулж байна. Угсралтын ажилд эрчим хүчээр хязгаарлах арга хэмжээ авч ажиллалаа. Шалгалт үргэлжилж байна.