Сүүлийн үед ТЕГ-ын дарга Д.Гэрэлийн эхнэрийн компани Богдхан уулын дархан цаазат газрын Арцатын амны хязгаарлалтын бүсэд газар эзэмшдэг тухай мэдээлэл гарч нэлээд маргаан дэгдээсэн. Тухайн мэдээллийг дэлгэсэн сэтгүүлчийг ТЕГ-ын нэр хүндэд халдсан гэх үндэслэлээр цагдаад шалгаж буй. Сэтгүүлч энэхүү мэдээллийнхээ баримтыг ЦЕГ-т өгсөн ч тухайн баримт шамшигдсан гэдгийг ч хэлж буй. Тэгвэл ТЕГ-ын дарга Д.Гэрэлийн эхнэрийн компани гэгдэх “Ойрад импекс” компанийн нэр дээр одоогоос 16 жилийн өмнө буюу 2004 онд анх Богдхан уулын дархан цаазат газрын Арцатын амны хязгаарлалтын бүсэд газар эзэмших эрхийн гэрчилгээ гарч байсан баримтыг оллоо. Ямартай ч одоогоос 20-иод жилийн өмнө эрх мэдэлтнүүд зайсан орчмыг зайдагнасан гэдэг нь үүгээр тодорхой болж байх шиг.