ЭМЯ-наас ээлжит мэдээллээ хийлээ. Энэ үеэр ХӨСҮТ-ийн захирал Д.Нямхүү "2020 оны дөрөвдүгээр сарын 19-нд Монгол Улсын хэмжээнд коронавирусийн сэжигтэй тохиолдол бүртгэгдээгүй. Нэг сайн мэдээ дуулгая. ХӨСҮТ-д эмчлэгдэж байгаа хүмүүсээс нэг хүн эдгэрч, дараагийн ажиглалт, хяналт руу шилжлээ. Өвчтнүүдийн биеийн байдал тогтвортой байна. Зарим нь сайжирч байна. Хэд хэдэн хүн хатгаатай байгаа. Эмч нар онцгой анхаарч эмчилгээний тактикаа зөв боловсруулж явж байна.

ХӨСҮТ-ийн хоёр лабаортаорид 76 хүний шинжилгээ хийгдсэн байна. Цэргийн төв эмнэлэгт тусгаарлагдсан 55 хүнд давтан шинжилгээ хийхэд коронавирус илрээгүй. Тандалтын зорилгоор 4 хүнд шинжилгээ хийлээ, коронавирус илрээгүй. ХӨСҮТ-д тусгаарлаагдсан 17 хүнээс шинжилгээ авахад 16-д нь илрээгүй, нэг хүнээс коронавирус илэрлээ. Москвагаас Улаан-Үдэ хүртэл онгоцоор ирж, Алтанбулагийн боомтоор дамжин орж ирсэн Төмөр замын дээд сургуулийн оюутан байна” гэлээ.

Мөн тэрбээр маскнаас гадна даавуун нимгэн бээлий өмсөхийг хүмүүст уриалсан юм.