Мэргэжлийн хяналтын ерөнхий газрын дэд даргын баталсан 2020 оны 01/79 тоот “Цэцэрлэгийн гаднах орчны аюулгүй байдалд тандалт судалгаа хийх” удирдамж, Нийслэлийн мэргэжлийн хяналтын газрын дэд даргын баталсан хуваарийн дагуу эрсдлээс урьдчилан сэргийлэх, илэрсэн зөрчлийг арилгуулах, мэргэжил арга зүйн зөвлөгөө өгөх зорилгоор Сонгинохайрхан дүүргийн төрийн өмчийн 26, 55, 105, 112, 117, 264 дүгээр цэцэрлэг, Баянзүрх дүүргийн төрийн бус өмчийн Амина, Жаргалан 2, Мөнхтүшигт үрс, Аминдэлбээ, Оргил ухаан нийт 11 цэцэрлэгийн гаднах орчны аюулгүй байдалд тандалт судалгаа хийлээ.
Тандалтад хамрагдсан төрийн бус өмчийн цэцэрлэгүүдэд туршилтын талбай байхгүй, гадна тоглоомын болон биеийн тамирын талбайд тавигдах шаардлага хангалтгүй, төрийн өмчийн цэцэрлэгүүдэд тэнцвэрийн вандан, авиралтын шат дутагдалтай, гадна талбайд орц гарц мэдээлэх тэмдэглэл байхгүй зэрэг зөрчлүүд илэрч, хугацаатай үүрэг даалгавар өгч ажиллалаа. Тандалт судалгаа үргэлжилж байна.
