ЭМЯ-наас ээлжит мэдээллээ хийлээ. Энэ үеэр ХӨҮСТ-ийн дарга Д.Нямхүү “Нийт дөрвөн лабораторид 109 хүнд шинжилгээ хийсэн. Бүгдэнд нь коронавирус илрээгүй. Өнөөдрийн байдлаар манай улсад нийт батлагдсан тохиолдол 140. Үүнээс 26 тохиолдол эмчлэгдэж гарсан. Дараа дараагийн шатны хяналтад байгаа.

ХӨСҮТ-д 114 хүн эмчилгээнд байна. Өнөөдрийн байдлаар 88 нь хөнгөн, хүндэвтэр 26 хүн гэж биеийн байдлыг нь үнэлсэн  байна. Эмчилгээнээс гадна 67 хүн ХӨСҮТ-д ажиглалтанд байгаа. Эдгээр хүмүүсийн 47 нь энэ сарын 24 гэхэд ажиглалтаас гарна. Бусад нь ч гэсэн ойрын өдрүүдэд гарна. Тэгэхээр ХӨСҮТ-д эмчилгээнд байгаа хүмүүс л үлдэнэ гэсэн төлөвлөгөөтэй байна” гэлээ.