ЭМЯ-наас ээлжит мэдээллээ хийлээ. Энэ үеэр ХӨҮСТ-ийн дарга Д.Нямхүү “Нийт 369 хүний сорьцонд шинжилгээ хийлээ. 18 хүнд коронавирус илэрлээ. 5 дугаар сарын 28-нд Алтанбулагийн боомтоор орж ирсэн 230 хүнээс сорьц цуглуулж үзэхэд ийнхүү 18 хүнээс коронавирус илэрлээ. 19-52 насны хүмүүс байгаагийн 11 нь оюутан байна. Монгол Улсад батлагдсан тохиолдол 18-аар нэмэгдэж, 179 боллоо.  Үүнээс эмчлэгдсэн нь 43 хүн байгаа. Одоо 136 хүн эмчлэгдэж байна. Биеийн байдлыг нь үнэлбэл, 121 нь хөнгөн, хүндэвтэр 15 хүн байна. 8-16 насны таван хүүхэд, хоёр жирэмсэн эмэгтэй, нэг хорт хавдартай хүн ХӨСҮТ-д эмчлэгдэж байна” гэлээ.