Эрүүл мэндийн яамнаас ээлжит мэдээллээ хийлээ. Энэ үеэр ХӨСҮТ-ийн ерөнхий захирал Д.Нямхүү “Нийт дөрвөн лабораторид 715 шинжилгээ хиййлээ. 710-т нь коронавирус илрээгүй.

Харин таван хүнээс халдвар илэрлээ. Тэдний дөрөв нь оюутан, нэг нь ОХУ-аас ачаа ачдаг жолооч. Зургаадугаар сарын 3-нд ирсэн жолоочийг сэжигтэй гэж үзээд Сэлэнгэд тусгаарласан байсан. Хариу нь эерэг гарсан учраас өнөөдөр ХӨСҮТ рүү татан авчирч эмчилгээнд оруулах ажил эхэллээ. Ингээд Монгол Улсад батлагдсан тохиолдол таваар нэмэгдэж 191 боллоо” гэлээ.

Өнөөдөр ХӨСҮТ-өөс таван хүн эдгэрч гарсан байна. Ийнхүү нийт эдгэрсэн хүний тоо 70 боллоо. Өнөөдрийн байдлаар ХӨСҮТ-д 121 хүн хяналт эмчилгээнд байгаагийн 106 нь хөнгөн, 15 нь хүндэвтэр байна.