Хойд бүсийн төв-Орхон аймгийн Онцгой байдлын газрын “Эрдэнэт үйлдвэр” төрийн өмчит үйлдвэрийн газрын гэрээт Гал түймэр унтраах, аврах 58 дугаар ангиас алба хаагчдын нийгмийн асуудлыг шийдвэрлэх зорилготой “Хариу нэхээгүй тус” аяныг өрнүүлж байна.
Энэ хүрээнд тус ангид 23 дах жилдээ ажиллаж байгаа амьсгалын бие даасан төхөөрөмжийн засварчин, ахлах ахлагч М.Ганзоригийн байшинг бүрэн засварласан бол аврагч-гал сөнөөгч, ахлах ахлагч У.Ган-Эрдэнийн байшинд 4х5 хэмжээтэй залгааг шинээр барьж өгчээ.
Мөн ангиас зохион байгуулсан засвар, тохижилтын ажилд идэвх санаачлагатай оролцсон аврагч-гал сөнөөгч, ахлах ахлагч Л.Гансүхийн байшингийн хуучин гурван цонхыг шинэ вакуум цонхоор сольж, засварын ажлын гол багаж болох компрессорыг бэлэглэсэн байна.
Түүнчлэн 18 жил үүрэг гүйцэтгэн ажиллаж байгаа аврагч-гал сөнөөгч, ахлах ахлагч Г.Магнайбаярын нийгмийн асуудлыг аймгийн удирдлагуудад танилцуулж, иж бүрэн таван ханатай гэр олгосон аж.
Эх сурвалж: ОБЕГ
