Цэвэр усны шугамын ажил эхлэхтэй холбоотойгоор тодорхой хугацаанд зам хаах талаар нийслэлийн Хөрөнгө оруулалтын газраас мэдээлэл хийлээ.

Баяр наадмын өдрүүдэд авто замын хөдөлгөөн сийрэг болсон үед авто зам сэтлэх, тунел хийх зэрэг томоохон ажлыг хийхээр төлөвлөжээ.

Тодруулбал, Бөхийн өргөөний арын хэсэг буюу хуучин Хөдөө Аж Ахуйн Яамны уулзвараас Энхтайваны өргөн чөлөөний нэгдүгээр эгнээний дулааны шугамыг баяр наадмын өдрүүдэд солино. Мөн Хасбаатарын гудамж буюу Эх хүүхдийн эрүүл мэндийн үндэсний төв эмнэлгээс баруун чиглэлийн автозамын нэгдүгээр эгнээнд цэвэр усны шугам хийх төлөвлөгөөтэй байгаа аж.