Сүүлийн 24 цагт нийт 737 хүнээс халдвар илэрч, эмнэлэгт хэвтэн эмчлүүлж байсан 11 хүн нас барлаа.

Өчигдөр илэрсэн дотоодын халдварын 53 нь орон нутагт, эмнэлгийн 3 ажилтан, нийслэлээс 681 хүнд халдвар бүртгэгдлээ.

Эмчлүүлж буй иргэдийн биеийн байдлаар нь харуулбал

• хөнгөн 2804
• хүндэвтэр 1484
• хүнд 475
• маш хүнд 125 хүн байна.

Харин 1291 хүн эдгэрснээр нийт 28553 хүн эдгэрчээ. Өчигдөр  116177 иргэн коронавирусийн эсрэг дархлаажуулалтад хамрагдсан байна. Өнөөдрөөс 65-аас дээш насныхныг Спутник V вакцинд хамруулахаар төлөвлөөд байна. Хөдөө орон нутгийг авч үзвэл Дархан-Уул аймагт хамгийн өндөр буюу иргэдийн 69 хувь нь дархлаажуулалтад хамрагдсан бол Ховд аймагт дархлаажуулалт удаашралтай байна" гэлээ.