Гадаадад зорчсон хоёр иргэнээс омикрон илэрсэн гэдэг мэдээлэл олныг цочроогоод байна. Тэгвэл энэхүү мэдээллийг ЭМЯ-наас эрс үгүйсгэлээ. Тодруулбал, “Олон улсын эрүүл мэндийн дүрмийн дагуу Монгол улсаас гадаад улсад зорчсон иргэдээс Ковид19 эерэг илэрвэл ХӨСҮТ рүү мэдээлэгддэг. Хамгийн сүүлд 2021 оны 12 сарын 20 өдөр гадаадад зорчсон Монгол иргэн эерэг гарсан гэсэн мэдээлэл ирсэн. Тэрхүү иргэнд ямар хувилбар илэрсэн талаарх гений дараалал тогтоох шинжилгээ хийгдэж байгааг мэдээлсэн байна. Монгол 2 иргэн гадаадад зорчиж тэднээс Омикрон илэрсэн гэсэн мэдээлэл ташаа болохыг үүгээр хүргэж байна” гэлээ.