УОК-ын шийдвэрийн дагуу өнгөрсөн сарын 25-наас гадаадаас ирсэн иргэдийг коронавируст цар тахлын мутацлагдсан хувилбараас урьдчилан сэргийлэх зорилгоор түр тусгаарлах байранд 3 хоног тусгаарлаж байсан. Ингэхдээ   0-3 насны хүүхэд үнэ төлбөргүй, 4-12 насны хүүхэд 50 мянга, 13-аас дээш насны иргэд 100 мянган төгрөг байхаар тогтоосон. Тэгвэл өнөөдөр болсон Засгийн газрын ээлжит хуралдааны үеэр энэхүү гурван өдрийн тусгаарлалтыг цуцлах үүргийг Ерөнхий сайд өгсөн байна. Гэхдээ гадаадаас ирж буй иргэдээс онгоцны буудал дээр төлбөртэй шинжилгээ авч, нэвтрүүлэх аж. Энэ талаарх дэлгэрэнгүй мэдээллийг удахгүй хүргэх болно.