Тооны машин шүтсэн өнөө цагт хүүхдийн оюун ухааныг хөгжүүлэх хэрэгсэл бол сампин гэдэг. Үеэ өнгөрөөсөн хэмээн нэгэн цагт ад үзэгдэж байсан эл хэрэгсэл өдгөө Японд хөгжлийн туйлдаа хүрчээ. Сампин дээр ажиллах нь хүний ой тогтоолтыг сайжруулах, тооцоолох, цээжээр бодох чадварыг хөгжүүлдэг учир Японд түүгээр хичээллэгсдийн тоо  өндөр байдаг байна. Харин сампингаас хөндийрсөн манай улсын хувьд уг тооцоолох хэрэгсэл дээр хэрхэн хурдан зөв ажиллахыг заадаг “Монгол соробан” хэмээх сургалтын төв удахгүй үүдээ нээх гэж байна.