Бага дунд орлоготой иргэдэд орон сууцтай болох мөрөөдлөө биелүүлэх боломжийг Засгийн газраас олгож “100 мянган айлын орон сууц” хөтөлбөрийг  хэрэгжүүлж эхэлсэн. Харин зээлийг Төрийн банк, Капитал банк гэсэн хоёр банкаар олгож байгаагаас иргэдэд чирэгдэл учруулж, урт дараалалд дарагдах болсон.  Хэдийгээр холбогдох албаны хүмүүс бусад банкуудыг тус хөтөлбөрт хамруулах гэсэн ч тэд өөрсдөө татгалзсан хариу өгсөн хэмээж байсан.  Гэтэл ХААН банк уг хөтөлбөрийг анх хэрэгжиж эхлэх үед хамтран ажиллах саналаа хамгийн түрүүнд өгсөн ч өнөөг хүртэл хариу ирүүлээгүй байгаа гэж мэдээлж байна.