“Жижиг, дунд үйлдвэрлэлийн бүтээгдэхүүн, үйлчилгээ, технологи 2012” олон улсын 16 дахь удаагийн үзэсгэлэн зургадугаар сарын 7-11-нд “Мишээл Экспо” төвд болно.

Үзэсгэлэн органик болон байгалийн гаралтай бүтээгдэхүүн үйлдвэрлэгчид, үйлчилгээ эрхлэгчдийг сурталчлах, экспортын боломжит бүтээгдэхүүний тоог нэмэгдүүлэх, шаардлага хангасан, шаардлагатай импортыг дэмжих, бизнесийг дэмжигч бүх үйлчилгээний байгууллагуудын үйл ажиллагааг сурталчлах, сүүлийн үеийн батлагдсан техник технологийг нийтэд танилцуулах зорилготой аж.

Салбар хариуцсан яам, мэргэжлийн холбоодоос зохион байгуулж буй уг арга хэмжээний үеэр үндэсний шилдэг брэнд бүтээгдэхүүн, ЖДҮ-ийг дэмжигч, оновчтой үйлчилгээ үзүүлэгч байгууллага, экспортын шилдэг бүтээгдэхүүн, цэвэр үйлдвэрлэл, шилдэг импорт, инноваци, шинийг санаачлагч байгууллагыг шалгаруулах юм байна.